Kancelari gjerman Olaf Scholz të mërkurën shprehu shpresën se Donald Trump do do humbasë në përpjekjen e tij për të rifituar presidencën amerikane, sipas raporteve të mediave.
Fakti që Trump dëshiron të kandidojë përsëri nuk është veçanërisht mbresëlënës, tha kancelari për kanalin televiziv N-tv në margjinat e samitit të G-20 në Bali, Indonezi.
Scholz u bëri thirrje votuesve amerikanë që të refuzojnë sërish demagogjinë në zgjedhjet presidenciale të vitit 2024.
Udhëheqësi gjerman vlerësoi gjithashtu presidentin Joe Biden, duke thënë se ai është ‘shumë i aftë’ dhe ‘një politikan shumë i zgjuar, me shumë përvojë që merret me çështjet e zhvillimit botëror’ dhe ‘një nxitës i rëndësishëm’ i lidhjeve transatlantike.
Është e pazakontë që liderët botërorë të komentojnë garat e huaja presidenciale, madje edhe në fazat e hershme, por Berlini dhe shumica e gjermanëve u panë të lehtësuar kur Biden mposhti Trump-in në nëntor 2022.
Marrëdhëniet gjermano-amerikane arritën në nivelin më të ulët të të gjitha kohërave nën drejtimin e Trump, i cili shpesh kritikonte Gjermaninë dhe kancelaren e atëhershme Angela Merkel.
