Të shtatë punonjësit e shërbimit të urgjencës në Pukë të cilët u dyshuan si të infektuar me koronavirus kanë rezultuar negativ me COVID-19 pas testimeve.
Lajmin e ka konfirmuar Bashkia Pukë nëpërmjet një postimi në rrjetet sociale.
Punonjësit ishin vetë-karantinuar në pritje të rezultateve të analizave nga ISHP-ja.
“Autoritetet e Shëndetit Publik në Pukë sapo na kanë konfirmuar lajmin e mirë se asnjë nga shtatë punonjësit e Shërbimit të Urgjencës ne Pukë, që u karantinuan nuk është prekur nga COVID-19.
Pas analizave të kryera kanë rezultuar COVID-Negativ”-thuhet në njoftim.