Një thatësirë rraskapitëse dyvjeçare në Kenia ka zhdukur 2% të specieve më të rralla të zebrave në botë dhe ka rritur gjithashtu ngordhjet e elefantëve, pasi kriza klimatike ka lënë pasoja në jetën e egër të kombit të Afrikës Lindore.
Kufomat e kafshëve që kalben në tokë, duke përfshirë gjirafat e kafshë të tjera – janë bërë një pamje e zakonshme në Kenian veriore, ku periudhat e thata të papara po shkatërrojnë burimet tashmë të varfëruara të ushqimit dhe ujit.
Grevy Zebra, specia më e rrallë e zebrave në botë, ka qenë lloji më i goditur nga thatësira.
Themeluesja dhe Drejtoresha Ekzekutive e ‘Grevy’s Zebra Trust’, Belinda Low Mackey, i tha CNN se shkalla e ngordhshmërisë së llojeve do rritet nëse nuk bie shi i konsiderueshëm në rajon.
“Nëse sezoni i afërt i shirave nuk do jetë i bollshëm, zebra Grevy përballet me një kërcënim tejet serioz. Që nga qershori, ne kemi humbur 58 zebra Grevy dhe rastet po rriten ndërsa thatësira shtohet.” – tha ajo.
Ndër kafshët që janë përballur me vështirësi janë edhe devetë.
“Devetë janë një burim i vlefshëm për shumë njerëz në këtë rajon.” – tha për CNN Suze van Meegen, një punonjëse e Këshillit Norvegjez të Refugjatëve në Afrikën Lindore.
Kenia është në prag të sezonit të pestë të dështuar të shirave dhe departamenti i saj meteorologjik parashikon ‘kushte më të thata se mesatarja’ për pjesën tjetër të vitit.
