Ekzekutohet kryetari i një qyteti të vogël në jugperëndim të Meksikës dhe të paktën 17 persona të tjerë.
Policia thotë se persona të armatosur sulmuan bashkinë e San Miguel Totolapan të mërkurën. Fotografitë e qarkulluara në internet e tregojnë atë të mbushur me vrima plumbash.
Partia e kryebashkiakut Conrado Mendoza Almeda, PRD, ka dënuar vrasjen e tij dhe ka kërkuar drejtësi. Për sulmin është fajësuar banda kriminale Los Tequileros.
Siç shkruan BBC, në këtë masakër u vranë gjithashtu oficerët e policisë dhe punonjësit e këshillit.
Babai i Mendoza Almeda-s, ish-kryetari i bashkisë Juan Mendoza Acosta, u vra gjithashtu në shtëpinë e tij – përpara se sulmi të zhvendosej në bashkinë e qytetit.
Një autostradë në Guerrero, thuhet se u bllokua për pak kohë nga automjete të mëdha për të parandaluar hyrjen e forcave të sigurisë në qytet.
Se registra bloqueo en vías de Guerrero tras el ataque al ayuntamiento de San Miguel Totolapan donde murió el alcalde Conrado Mendoza Almeda. <pic.twitter.com/53B65x70RD
— Monica Garza (@monicagarzag) October 5, 2022
Edhe sipas standardeve të dhunshme të shtetit Guerrero, ky ishte një sulm tronditës, raporton korrespondenti i BBC-së në Meksikë, Will Grant.
San Miguel Totolapan shtrihet në zemër të një rajoni të njohur si Tierra Caliente (Toka e nxehtë), një pjesë e dhunshme e Meksikës perëndimore e kontrolluar nga karteli i drogës.
Grupe të ndryshme luftojnë për kontrollin e rrugëve fitimprurëse të drogës në veri përgjatë korridorit të Paqësorit.
Në një raport paraprak, prokurori i përgjithshëm i Guerreros tha se përveç 18 personave që u vranë, tre të tjerë u plagosën.
Pas sulmit, Ministria e Mbrojtjes Kombëtare tha se po vendoste njësi të ushtrisë dhe marinës në zonë për të gjetur personat e armatosur.
Guvernatorja e Guerreros, Evelyn Salgado Pineda, shkroi në Twitter duke thënë se i vinte thellësisht keq për vdekjet. Pak para sulmit, anëtarët e dyshuar të Los Tequileros publikuan një video në rrjetet sociale duke njoftuar kthimin e tij në rajon, ku ata kishin luftuar një bandë rivale droge.
Grupi kriminal shkatërroi Guerreron midis viteve 2015 dhe 2017 dhe ishte i njohur për kërcënimin e kryebashkiakëve të rajonit – derisa lideri i tij, Raybel Jacobo de Almonte u vra.
De Almonte njihej si El Tequilero dhe banda e tij mori emrin prej tij.
Esta tarde se registró un ataque armado contra el Ayuntamiento de San Miguel Totolapan, #Guerrero. Se reportan varios muertos, incluido el alcalde, Conrado Mendoza Almeda y su padre.
— Alejandra Aguayo (@alejandraguayoa) October 5, 2022
