Sekretari amerikan i Shtetit Antony Blinken ka theksuar se SHBA-ja po sanksionon Ministrinë e Inteligjencës së Iranit si dhe ministrin përkatës lidhur me sulmin kibernetik ndaj Shqipërisë.
Në një postim në Twitter, shefi i DASH-it shkruan se sulmet kibernetike që synojnë SHBA-në, interesat, infrastrukturën dhe shërbimet e saj dhe të aleatëve nuk do tolerohen.
“Ne po sanksionojmë Ministrinë e Inteligjencës dhe Sigurisë së Iranit dhe ministrin e tij për përfshirje në aktivitete aktive kibernetike kundër SHBA-së dhe aleatëve tanë. Ne nuk do të tolerojmë sulme kibernetike që synojnë SHBA-në, interesat, infrastrukturën ose shërbimet e saj dhe aleatëve tanë.” – shkruan Blinken.
Qëndrime të ashpra ndaj sulmit kibernetik të 15 korrikut ndaj Shqipërisë kanë mbajtur më herët edhe Shtëpia e Bardhë e NATO. Ato kanë thënë se mbështesin Shqipërinë dhe se Irani do duhet të mbajë përgjegjësi për sulmin kibernetik.
