Shefi i politikës së jashtme të BE-së, Josep Borrell, ka të ngjarë të kishte mbështetur grushtin e shtetit fashist në Spanjë në vitet 1930, tha presidenti rus Putin ndërsa fliste në Forumin Ekonomik Lindor në Vladivostok të mërkurën.
Deklarata e liderit rus erdhi si përgjigje ndaj Borrell që e përshkruan Rusinë si një shtet ‘fashist’.
“Ai thjesht po trillon, është specialist i madh në atë fushë.” – tha Putin, duke vënë në dukje se thirrjet e fundit të Borrell për një fitore ushtarake mbi Moskën në fushën e betejës janë ‘të çuditshme’ që vijnë nga diplomati më i lartë i BE-së.
Putin vazhdoi me pyetjen se anën e kujt do kishte marrë Borrell nëse do kishte jetuar në Spanjë në vitet 1930 dhe do të kishte parë shenjat për grushtin e shtetit të gjeneralit Franko.
“A do merrte armët dhe në anën e kujt do të ishte? Qeverinë e Spanjës të zgjedhur në mënyrë demokratike apo puçistëve?” – pyeti Putini.
“Për mendimin tim, ai do ishte në anën e puçistëve, sepse sot ai mbështet të njëjtët puçistë në Ukrainë.” – shtoi ai, duke vënë në dukje se burimi kryesor i fuqisë së Kievit sot është grushti i armatosur i mbështetur nga Perëndimi në 2014.
“Ai i mbështet ata dhe do kishte qenë në anën e nazistëve asokohe me siguri.” – deklaroi Putin.
Presidenti rus vazhdoi duke thënë se Moska ka vënë në dukje prej kohësh elementët neonazistë të regjimit të Kievit, por shpesh ka dëgjuar përgjigjen se shumë vende, përfshirë Rusinë, kanë gjithashtu neonazistë.
“Po, i kemi. Por as Rusia dhe asnjë vend tjetër i civilizuar nuk i promovon nazistët apo nacionalistët radikalë në statusin e heronjve kombëtarë. Ky është ndryshimi. Dhe Ukraina po bën pikërisht këtë.” – tha ai.
Putin deklaroi se nëse Borrell do ta kishte idenë se cilët ishin në të vërtetë njerëzit si Bandera dhe Shukhevich – nazistët që ekzekutuan rusët, hebrenjtë dhe polakët – ai do ta kishte kuptuar se fashizmi i vërtetë po përparon në Ukrainë dhe jo në Rusi.
Komentet e Borrell për Rusinë tërhoqën gjithashtu një përgjigje nga ish-presidenti rus Dmitry Medvedev, i cili deklaroi se ‘vërejtjet e neveritshme’ të komisionerit të BE-së për Rusinë si një shtet fashist nuk duhet të harrohen kurrë dhe se diplomati duhet të renditet përgjithmonë si një ‘person të cilit nuk mund t’i jepet kurrë dora’.
