Pakistani po bën thirrje për ndihmë të mëtejshme ndërkombëtare pasi përmbytjet shkaktuan kërdi në të gjithë vendin.
Një zyrtar i ministrisë së brendshme tha për BBC-në se SHBA, Britania e Madhe, Emiratet e Bashkuara Arabe dhe të tjerë kanë kontribuar, por nevojiten shumë më tepër fonde.
Më shumë se 1 mijë njerëz kanë vdekur dhe miliona janë zhvendosur që nga qershori, tha Salman Sufi.
Ai tha se qeveria e Pakistanit po bënte gjithçka në fuqinë e saj për të ndihmuar njerëzit.
Në veriperëndim të vendit, mijëra njerëz u larguan nga shtëpitë e tyre pasi lumenjtë në provincën Khyber Pakhtunkhëa dolën nga shtrati, duke shkaktuar përmbytje të fuqishme.
“Shtëpia që ndërtuam me vite të tëra mundim filloi të fundosej para syve tanë.”- tha Junaid Khan, 23 vjeç, për agjencinë e lajmeve AFP. “Ne u ulëm në anë të rrugës dhe shikonim shtëpinë tonë të ëndrrave duke u fundosur.”
Provinca e Sindhit në juglindje të vendit gjithashtu është prekur keq, me mijëra të zhvendosur nga shtëpitë e tyre.
Duke folur për BBC, Sufi tha se vendi kishte nevojë të dëshpëruar për më shumë mbështetje ndërkombëtare.
“Pakistani ka qenë duke u përballur me probleme ekonomike, por tani, kur ne ishim gati t’i kapërcenim ato, goditi fatkeqësia e musonit.”– tha ai.
An absolute epitome of courage and true spirit of bravery shown by #AlkhidmatVolunteers while rescuing a terrified soul from this dreadful flood in Swat, KPK.#AlkhidmatFloodRelief #FloodsInPakistan pic.twitter.com/SwHUE6qIy2
— Alkhidmat Foundation Pakistan (@AlkhidmatOrg) August 26, 2022
Financimi nga shumë projekte zhvillimi ështe ridrejtuar te njerëzit e prekur, shtoi ai. Kryeministri i Pakistanit Shehbaz Sharif tha se 33 milionë njerëz ishin prekur nga përmbytjet – rreth 15% e popullsisë së vendit.
Ai tha se humbjet e shkaktuara nga përmbytjet këtë sezon ishin të krahasueshme me ato gjatë përmbytjeve të viteve 2010-1011, që thuhet se janë më të këqijat e regjistruara.
Zyrtarët në vend fajësojnë ndryshimin e klimës për shkatërrimin.
Por planifikimi i dobët i qeverisjes vendore është përmendur gjithashtu si një faktor që ka përkeqësuar situatat e përmbytjeve në të kaluarën, me ndërtesa të ngritura shpesh në zona të prirura ndaj përmbytjeve sezonale.