Kryetari i Partisë së Lirisë Ilir Meta ka publikuar disa foto nga Jala, nga bashkëbisedimet e tij më të rinjtë e forumit rinor.
Meta thotë se në shtator do të vijë me energji të reja, ndërsa thekson se rinia është gati të udhëheqë ndryshimin e madh që sipas tij po afron.
“Përshëndetemi sot në Jalë dhe ritakohemi në shtator me energji të reja. Rinia është gati të udhëheqë ndryshimin e madh që po afron!”– shkruan Meta.
Një ditë më parë, ish-presidenti tha se muaji shtator do sjellë një angazhim të jashtëzakonshëm të opozitës.
Ai vlerësoi rolin e forcës politike që drejton që sipas tij do i japë opozitarizmit atë dimension që i mungon dhe ndryshimin që duhet.
Meta po ashtu paralajmëroi se kryeministri Edi Rama do largohet njësoj si ish-lideri serb Sllobodan Millosheviç.
