Meqenëse papunësia është rritur ndjeshëm për shkak të krizës së koronavirusit, partitë në Bundestag duan të kufizojnë emigrimin e mëtejshëm të punëtorëve nga Ballkani Perëndimor.
Siç shkruajnë mediat gjermane, CDU-CSU kanë rënë dakord që më pak emigrantë të pakualifikuar duhet të jenë në gjendje të përfitojnë prej tyre sesa për momentin.
Një zëdhënës për politikën e brendshme në Bundestag është shprehur se gjendja ekonomike në Gjermani është përkeqësuar teksa tani numërohen 600,000 njerëz të papunë më shumë se një vit më parë, dhe se “Qasja ndaj emigracionit të Ballkanit Perëndimor nuk mund të vazhdojë të jetë e njëjtë”.
Në një situatë të tillë, nuk ka “mundësi” për të lënë rregulloren e Ballkanit Perëndimor të vazhdojë pa ndryshime. Prandaj, Unioni kërkon një kufizim të qartë të rregullores. Kohëzgjatja duhet të zvogëlohet nga pesë në dy vjet dhe numri i imigrantëve duhet të kufizohet në një maksimum prej 15,000 personash në vit.
Mathias Middelberg i CDU-së kërkon “nisjen e shpejtë të punës për refugjatët që tashmë jetojnë në Gjermani me një perspektivë qëndrimi” dhe jo në të ardhmen”.
