Vendosni fjalën kyçe....

Sherr me thika në Sarandë, humb jetën një person


Një sherr në Sarandë ka përfunduar me humbjen e jetës së një personi.  

Policia bën me dije se pasditen e sotme, dyshohet se gjatë një konflikti të çastit, ka mbetur i dëmtuar me mjete prerëse një shtetas, i cili pasi është transportuar në spitalin e Sarandës, si pasojë e dëmtimeve të marra ka ndërruar jetë.

Viktima është identifikuar si Klodian Bakiaj, 41-vjeç, banues në Tepelenë.

Shërbimet e Policisë dhe grupi hetimor kanë shkuar menjëherë në vendngjarje dhe po vijojnë punën intensive për zbardhjen e plotë të rrethanave të ngjarjes, identifikimin dhe kapjen e autorit si dhe identifikimin e shtetasit që ka ndërruar jetë.