Rindërtimi i marrëdhënieve midis BE-së dhe Rusisë do jetë një ‘proces shumë i vështirë dhe i gjatë’, por duhet bërë, shkroi kryediplomati i BE-së Josep Borrell në blogun e tij të martën.
Derisa Brukseli të jetë në gjendje të ‘riorganizojë’ atë marrëdhënie ‘dhe të bjerë dakord për garancitë dhe mekanizmat e sigurisë për të lejuar përsëritjen e bashkëjetesës paqësore’, ai do mbështesë Ukrainën në luftën e saj kundër Moskës shtoi shefi i Politikës së Jashtme të BE-së.
Borrell më pas lëshoi një parakusht për një riorganizim të tillë, duke deklaruar se ‘udhëheqja ruse duhet së pari të kuptojë se siguria e saj nuk mund dhe nuk do të arrihet në kurriz të sigurisë më të gjerë evropiane dhe të fqinjëve të saj’.
Paqja në Evropë mund të ekzistojë vetëm nëse Moska ‘respekton sovranitetin kombëtar dhe integritetin territorial’, shkroi ai. Megjithatë, ai nuk e trajtoi zgjerimin e NATO-s drejt lindjes në kundërshtim me një marrëveshje për të mos iu afruar më tej kufijve të Rusisë pas rënies së Bashkimit Sovjetik.
Duke këmbëngulur se BE-ja, SHBA-ja dhe NATO-ja i ishin përgjigjur me kujdes traktateve dhe letrave të propozuara nga Rusia, Borrell argumentoi se blloku i tij ka qenë gjithmonë ‘i gatshëm të diskutojë të gjitha aspektet e sigurisë’.
Borrell pohoi se BE-ja është në anën e mirë të luftës për të ‘kundërshtuar narrativat e rreme’ që ai beson se qëndrojnë pas mbështetjes ruse për luftën, duke fajësuar Moskën për ‘fillimin e një ofensive ndërkombëtare të dezinformimit’.
