Qytetarët në disa qytete të vendit kanë dalë në protestë për të dytën ditë me radhë kundër rritjes së çmimeve.
Në Lushnjë qytetarët kanë bllokuar rrugën nacionale, konkretisht te rrethrrotullimi i Plugut. Për pasojë në një moment ka patur përplasje mes tyre dhe punonjësve të policisë, të cilët kanë kërkuar lirimin e rrugës.
“Policia po shtyn popullin që i ka vajtu thika në palcë, se ka vajtur nafta 3 mijë lekë. Ne nuk po mundemi të blejmë një kile miell.”– u shpreh njëri prej protestuesve.
Protestat kundër rritjes së çmimit të naftës po zhvillohen paralelisht në Tiranë, Durrës, Rrugën e Kombit, Shkodër, Elbasan, Berat…
