Partia Demokratike ka publikuar një video në “Facebook”, përmes së cilës akuzon kryeministrin Edi Rama si përgjegjësin kryesor për aferën prej 430 milionë euro me inceneratorët.
Sipas PD-së, asnjë shkelja e ligjit nuk mund të bëhej pa miratimin e kryeministrit Rama.
“Edi Rama nuk mund të lajë duart nga përgjegjësia për aferën prej 430 milionë euro. Një shkelje masive e ligjeve të vendit nuk mund të kryhej pa miratimin e Edi Ramës.”– shkruan PD krahas videos, ndërsa jep disa pika se pse ka arritur në këtë përfundim.
Në deklaratën e selisë blu thuhet se koncesoni i’u dha një kompanie që nuk kishte asnjë ditë eksperiencë në fushën e incenerimit.
NJOFTIMI I PD-së
Edi Rama nuk mund të lajë duart nga përgjegjësia për aferën prej 430 milionë euro. Një shkelje masive e ligjeve të vendit nuk mund të kryhej pa miratimin e Edi Ramës.
1.Në Agjesinë e Prokurimeve Publike nuk ekziston asnjë procedurë koncesioni për inceneratorin e Elbasanit;
2.APP ka njoftuar Ëngjëll Agaçin se procedura për inceneratorin e Elbasanit nuk ishte ligjore. Agaçi përgatiti VKM-në dhe kaloi mbështetjen financiare;
3.Koncesioni i inceneratorit të Elbasanit i është dhënë “Albtek Energy” me “negocim pa shpallje”, procedurë që ligji nuk e parashikon;
4.Koncesoni i’u dha një kompanie që nuk ka asnjë ditë eksperiencë në fushën e incenerimit.
