Kina ka mohuar ndërhyrjen në politikën e Mbretërisë së Bashkuar pasi paralajmërimit të MI5 se një agjent i vendit kishte depërtuar në Parlament.
Shërbimi i sigurisë tha se Christine Ching Kui Lee kishte “krijuar lidhje” për Partinë Komuniste Kineze me deputetët aktualë dhe aspirantë.
Ajo thuhet se u dha donacione politikanëve, përfshirë deputetin laburist Barry Gardiner, i cili mori më shumë se 420 mijë paund prej saj.
Por Ambasada Kineze në Londër e akuzoi Shërbimin Britanik të sigurisë (MI5) për “njollosje dhe frikësim” kundër komunitetit kinez të Mbretërisë së Bashkuar, shkruan BBC.
Në një deklaratë në faqen e internetit të ambasadës, një zëdhënës tha: “Kina i përmbahet gjithmonë parimit të mosndërhyrjes në punët e brendshme të vendeve të tjera. Ne nuk kemi nevojë dhe nuk kërkojmë kurrë të ‘blejmë ndikim’ në asnjë parlament të huaj. Ne e kundërshtojmë me vendosmëri mashtrimin e intimidimit kundër komunitetit kinez në Mbretërinë e Bashkuar”.
Lidhur me alarmin e lëshuar nga MI5, zonja Lee pretendon se përfshirja e saj me Parlamentin kishte qenë “për të përfaqësuar kinezët e Mbretërisë së Bashkuar dhe për të rritur diversitetin”.
Por MI5 tha se aktiviteti “ishte ndërmarrë në koordinim të fshehtë me Departamentin e Punës së Frontit të Bashkuar të Partisë Komuniste Kineze, me financim të siguruar nga shtetas të huaj të vendosur në Kinë dhe Hong Kong”.
