Në një intervistë të fundit me gazetarët rusë, Vladimir Putin ka zbuluar se ai punoi si shofer taksie në vitet 1990, kur u gjend në një gjendje të vështirë financiare.
Duke pranuar se nuk i pëlqente ‘të fliste për të’, shefi i Kremlinit ndau hollësi të panjohura më parë në pamjet e një dokumentari të quajtur ‘Historia e fundit’, i cili shqyrton tre dhjetëvjeçarët e fundit në Rusi. Filmi me metrazh të gjatë përshkruan rënien e Bashkimit Sovjetik në 1991 dhe ngjarjet e trazuara që pasuan dhe ndjek kursin e vendit deri në Rusinë e sotme.
Në vitin 2018, Putin kishte përmendur se, në vitin 1996, kishte pasur idenë për të punuar me kohë të pjesshme si shofer taksie, pasi shefi i tij i atëhershëm, Anatoly Sobchak, humbi një garë elektorale për të siguruar një mandat të dytë si kryebashkiak i Shën Petersburgut.
Si këshilltar i lartë i Sobchak, ai kishte udhëhequr fushatën e tij për votim. Pas humbjes së Sobchak, Putinit iu ofrua një punë në administratën presidenciale në Moskë, të cilën ai e pranoi, duke lënë vendlindjen e tij për në kryeqytetin rus.
