Reuters ka kërkuar falje për fotografinë e zgjedhur për të ilustruar një histori rreth një studimi të trurit të majmunit, që u konsiderua fyes dhe racist në Kinë.
Të enjten, Reuters publikoi një histori të titulluar “Studim i trurit të majmunit me lidhje me ushtrinë e Kinës, në universitetin më të mirë evropian”. Raporti kishte të bënte me një profesor kinez që studionte se si funksionon truri i një majmuni në lartësi ekstreme.
Studimi u krye me ndihmën e Ushtrisë Çlirimtare Popullore të Pekinit me qëllim të zhvillimit të ilaçeve të reja për të parandaluar dëmtimin e trurit.
Agjencia e lajmeve e promovoi historinë në Twitter me një foto të ushtarëve kinezë të buzëqeshur në një dhomë oksigjeni.
Postimi origjinal që fyeu qytetarët kinezë
Mirëpo postimi shkaktoi zemërim në Kinë pasi qytetarët e konsideruan atë racist. Reuters u përgjigj të premten mbrëma duke fshirë postimin origjinal në “Twitter” sepse fotografia e ushtarëve kinezë nuk kishte lidhje me historinë dhe “mund të ishte lexuar si fyese”.
“Sapo morëm dijeni për gabimin tonë, tëeet-i u fshi dhe u korrigjua, dhe ne kërkojmë falje për fyerjen që shkaktoi.”– tha Reuters në një deklaratë për Global Times, gazetën shtetërore të Kinës.
Kjo nuk është hera e parë që agjencia e lajmeve ka hasur në telashe në Kinë. Në korrik, Ambasada Kineze në Sri Lanka e kritikoi Reuters për përdorimin e një fotografie të peshëngritësit kinez dhe fituesit të medaljes së artë të Lojërave Olimpike Tokio 2020, Hou Zhihui, të cilin media shtetërore e vendit e përshkruan si “të shëmtuar” dhe “mosrespektim ndaj atletit”.
PHOTO CORRECTION: We have deleted an earlier tweet that included a picture of Chinese soldiers in an oxygen chamber not described in the original tweet that could have been read as offensive https://t.co/Ahtv9fj8EQ 2/2
— Reuters (@Reuters) November 19, 2021
