Pamje nga vendngjarja
Një aksident ka ndodhur mesditën e sotme në Elbasan, ku është përfshirë një mjet i burgut të Bradasheshit.
Shqiptarja.com raporton se fugoni i burgut të Peqinit po transportonte të burgosurin Sokol Sanxhaktari, dhëndrin e ish-kreut të Bashkisë së Elbasanit Qazim Sejdini i cili po paraqitej në një seancë gjyqi.
Mirëpo në një moment, furgoni ka përplasur një qytetar i cili po lëvizte me një karrocë me kalë.
Qytetari ka mbetur i plagosur dhe është dërguar në spital, ndërsa ende nuk ka të dhëna mbi gjendjen e tij shëndetësore. Ndërkohë kafsha mësohet se ka ngordhur.
“Më datë 22.09.2021, rreth orës 12:20, në lagjen ‘28 Nëntori’, Elbasan, është përplasur mjeti i Policisë së Burgut Bradashesh me një karrocë që tërhiqet me kafshë dore.
Nga përplasja ka vetëm dëme materiale. Grupi hetimor po punon për zbardhjen e shkaktut të aksidentit.”– thuhet në njoftimin e Policisë.
Kujtojmë se Sokol Sanxhaktari është arrestuar bashkë me 3 persona të tjerë, në lidhje me vrasjen e 40-vjeçarit Florian Lamçe më 30 korrik të 2020-ës.
