Gruaja 82-vjeçare që do të bashkohet me Jeff Bezos në hapësirë më vonë këtë muaj, do të bëhet personi më i vjetër që del në hapësirë gjatë fluturimit 13-minutësh.
Duket se nuk jeni kurrë shumë i vjetër për të fluturuar në hapësirë, për këtë mjafton të pyesni Wally Funk, e cila është zgjedhur nga CEO-ja i Amazon Jeff Bezos për ta shoqëruar atë në hapësirë në bordin e raketës së tij ‘New Shepard’ më vonë këtë muaj.
Siç ka njoftuar kompania private e fluturimeve në hapësirë e Bezos, Blue Origin, Funk do të jetë një ‘mysafire e nderuar’ gjatë udhëtimit pionier në 20 korrik. Ajo do jetë pjesë e bordit bashkë me Bezos, vëllain e tij dhe fituesin e një ankandi bamirësie, emri i të cilit nuk është zbuluar ende.
Një pilote dhe ish-instruktore aviacioni, Funk ishte pjesë e një grupi të grave të njohura si ‘Mërkuri 13’, të cilat iu nënshtruan stërvitjes së astronautëve në vitet 1960 por kurrë nuk udhëtuan në hapësirë.
Funk tani pritet të bëhet personi më i vjetër që del në hapësirë, me rekordin aktual të mbajtur nga i ndjeri John Glenn, i cili fluturoi në vitin 1998 në moshën 77 vjeç.
