Ambasada e Pekinit në SHBA ka kritikuar ashpër përpjekjet e reja për të fajësuar Kinën për pandeminë Covid-19, duke e krahasuar atë me mënyrën se si administrata e George W. Bush hodhi pretendime të rreme në lidhje me armët e shkatërrimit në masë të Sadam Huseinit në Irak.
“Origjina e Covid-19 është një objekt i kërkimit shkencor që nuk duhet të politizohet.” – shkroi në Twitter zëdhënësi i ambasadës Liu Pengyu, duke shtuar: “Fushata për të politizuar studimin e origjinës së Covid-19 dhe përpjekjet për të ndotur Kinën nuk ndryshon nga gënjeshtrat për Irakun se gjoja posedonte armë të shkatërrimit në masë 12 vjet më parë.”
Me sa duket diplomati po i referohej ‘teorisë së rrjedhjeve laboratorike’, një hipotezë që patogjeni që shkakton Covid-19 nuk u shfaq natyrshëm por ishte më tepër produkt i eksperimenteve të fitimit të funksionit në një laborator virusesh në Wuhan, Kinë. Virusi arriti të shpëtojë nga laboratori, duke filluar pandeminë shkatërruese, besojnë mbështetësit e teorisë.
Kjo hipotezë e origjinës u favorizua nga ish-presidenti i SHBA-së Donald Trump dhe administrata e tij.
