Ka shkuar në shtatë numri i viktimave nga të shtënat me armë në një dyqan të Walmart në Virxhinian lindore, SHBA.
Ngjarja ka ndodhur natën e së martës.
Sipas policisë, një telefonatë mbërriti rreth orës 10 të mbrëmjes ndërsa efektivët mbërriten mënjëherë në vendin e ngjarjes, por në atë kohë të shtënat kishin përfunduar.
“Policia e Chesapeake konfirmon 7 viktima, duke përfshirë edhe sulmuesin, nga të shtënat e mbrëmshme në Ëalmart në rrethin Sam.”- thuhet në njoftim.
Chesapeake Police confirm 7 fatalities, including the shooter, from last night’s shooting at Walmart on Sam’s Circle.
— City of Chesapeake (@AboutChesapeake) November 23, 2022
Qyteti i Chesapeake në Virxhinia, është rreth 240 km në juglindje të Uashingtonit.
Sulmi në Chesapeake pason një tjetër të shtëna masive të shtunën, ku pesë persona u vranë dhe 17 u plagosën në një klub LGBTQ në Kolorado.
Hetuesit besojnë se sulmuesi ishte një punonjës ose ish-punonjës i dyqanit që hapi zjarr ndaj punonjësve të tjerë në një dhomë pushimi, raporton CNN.
Zyrtarët besojnë se sulmuesi në një moment e ktheu armën kundër vetes.
Pesë pacientë po trajtoheshin në Spitalin e Përgjithshëm Sentara në Norfolk aty pranë.