Seanca parlamentare ku do të votohet për shkarkimin e presidentit Ilir Meta nga detyra, do të mbahet të mërkurën e datës 9 qershor, në orën 10:00.
Kjo datë u përzgjodh sot në mbledhjen e Konferencës së Kryetarëve.
Kërkesa për të përfshirë raportin për shkarkimin e presidentit në këtë seancë plenare, u paraqit nga deputeti socialist dhe kryetari i Komisionit Hetimor, Alket Hyseni.
Raporti u miratua më 28 maj nga Komisioni Hetimor, në të cilin u konstatuan 16 shkelje që Presidenti Meta ka bërë sipas maxhorancës.
Që Presidenti të shkarkohet nga detyra, duhet të votojnë pro jo më pak se 94 deputetë.
