Një person është plagosur me armë në një lokal në Urën Vajgurore.
Ngjarja ka ndodhur në fshatin Poshnje ndërsa dyshohet se personi i plagosur ishte kthyer nga Anglia pak ditë më parë.
Mësohet se i plagosuri është nipi i pronarit të një biznesi të njohur në zonë.
Bëhet fjalë për lokalin ‘Kështjella’ në pronësi të Tomorr Ismailajt. I plagosuri me armë zjarri është 32-vjeçari Iljaz Ismailaj.
Njoftimi
“Më datë 21.05.2021, rreth orës 18:00, në fashatin Poshnje, në rrethana ende të paqarta është plagosur me armë zjarri pistoletë, shtetasi I.I., 33 vjeç, i cili u dërgua në Spitalin Rajonal Berat, jashtë rrezikut për jetën. Sherbimet e Policisë kanë shkuar menjeherë në vendngjarje, kanë bërë rrethimin e zonës dhe po kryejnë kontrolle për kapjen e autorit/ve. Gjithashtu janë shoqëruar në Komisariat disa shtetas të cilët dyshohen se kanë dijeni për ngjarjen. Grupi hetimor ndodhet në vendngjarje dhe nën drejtimin e Prokurorisë po punon për sqarimin e rrethanave të ngjarje, si dhe mbledhjen e çdo prove të mundshme që do çojë në identifikimin dhe kapjen e autorit/ve.”
