Një ajsberg gjigant, me përmasa mbi 4,000 kilometra katrorë ëstë shkëputur nga shelfi i akullit Ronne në Antarktidë. Ajsbergu, i quajtur A-76, tani është masa më e madhe e akullit që lundron në botë.
Madhësia e ajsbergut të stërmadh rivalizon shumë ishuj të mëdhenj në të gjithë botën dhe është më i madhe se ishulli spanjoll i Majorkës, që ka një sipërfaqe 3,667 kilometra katrorë. Ajsbergu është mjaft i gjatë dhe i ngushtë, rreth 170 kilometra i gjatë dhe vetëm 25 kilometra i gjerë.
Shkëputja u kap nga misioni Copernicus Sentinel-1, me pamjet satelitore që tregojnë masën e akullit të ndarë nga shelfi i akullit në Detin Weddell në një vijë gati të përsosur.
Ajsbergu i ri tani është bërë masa më e madhe e akullit lundrues në botë, duke i marrë titullin A-23A, 12 po noton gjithashtu në Detin Weddell. Rekordmeni i mëparshëm vlerësohet të jetë me madhësi rreth 3880 kilometra katrorë, duke qenë gjithashtu më i madh se Mallorca.
Lindja e ajsbergut të ri vjen menjëherë pasi një yll i vërtetë i mediave sociale, ajsbergu gjigant A-68 më në fund u shkri. Ajsbergu, i cili në kohën e shkëputjes ishte 5,800 kilometra katrorë, ka qenë një nga ajsbergët më të mëdhenj ndonjëherë.
