Gazetari Sokol Balla ka votuar me mikrofon në dorë dhe me dy gishtat lart.
Ai ka votuar në Njësinë 5 në Tiranë ndërsa transmetonte në mënyrë të drejtpërdrejtë procesin.
Në të njëjtën qendër votimi kanë hedhur votën më herët edhe presidenti Meta e bashkëshortja e tij Kryemadhi si dhe kryeministri i Kosovës, Albin Kurti.
Teksa hidhte votën një vëzhguese i tërhoqi vëmendjen për mosmbajtjen e maskës ndërsa Balla i përgjigjet duke i thënë se njësoj ishte lejuar të votonte edhe presidenti Meta.
“Jam te çerdhja 31, një nga qendrat e votimit, ku unë votoj vetë. Këtu ka votuar presidenti, Kryemadhi e kryeministri i Kosovës, Albin Kurti. Jam vaksinuar, kam kaluar edhe Covidin. Megjithatë latë edhe Presidentin e Republikës pa maskë. Edhe unë si z.Meta, z. Basha e z.Rama, me dy gishta.” – ia kthen Balla vëzhgueses.
