Një 29-vjeçar është arrestuar nga policia e kryeqytetit pasi u kap duke qarkulluar me armë pa leje.
Shtetasi me iniciale A.D u kap në rrugën Bruzi në zonën e Laprakës dhe pas kontrollit fizik iu gjet arma e zjarrit pistoletë.
“Qarkullonte me armë zjarri me vete, kapet dhe arrestohet në flagrancë 29-vjeçari.
Sekuestrohen një armë zjarri pistoletë dhe municion luftarak.
Sherbimet e Komisariatit të Policisë Nr.3 në bazë të informacioneve të marra në rrugë operative për një shtetas që po qarkullonte me armë zjarri me vete, kanë organizuar punën dhe falë veprimeve të shpejta dhe profesionale bënë kapjen dhe arrestimin në flagrancë të shtetasit palestinez : A. D., 29 vjeç.
Ky shtetas u kap në rrugën “Bruzi” në zonën e Laprakës, pasi gjatë kontrollit fizik të ushtruar iu gjet dhe iu sekuestrua një armë zjarri pistoletë.
Materialet iu referuan Prokurorisë së Rrethit Gjyqësor Tiranë, për veprën penale “Armëmbajtja pa leje”-thuhet në njoftimin e policisë.
