Zv.kryeministri Erion Braçe, ka komentuar takimin e djeshëm të hapjes së fushatës së PD-së ku për hir të së vërtetës kishte mjaft njerëz, pavarësisht pandemisë.
Por Braçe ndalet jo tek numri i pjesëmarrësve, as te rregullat e pandemisë por me makinat me të cilat mbështetësit e PD-së kanë shkuar për tubimin e mbajtur në sheshin ‘Nënë Tereza’.
Braçe e quan luks që qytetarët e thjeshtë nuk e kanë, ndotje të mjedisit e madje edhe krim.
“10 MILION EURO MAKINA!
Lluks dhe se kanë qytetarët;
Ndotje dhe se bëjnë qytetarët;
Llum dhe nuk janë qytetarët;
Krim mbi shëndetin dhe vret qytetarët!
ËSHTË E DJATHTA BANALE POR SUPER E PASUR E SALI BERISHËS, ILIR METËS, LULZIM BASHËS E MONIKA KRYEMADHIT!
Pasuri që qelbet erë prej korrupsionit, vjedhjes, grabitjes!”– shkruan Braçe.
Por shumë komentues iu kthyen Braçes duke i kujtuar se as ata që kanë 8 vite në pushtet, nuk janë keq me luksin.
Pasditen e djeshme, paralelisht në vijë të drejtë dhe në dy sheshe të ndryshme PS-ja dhe PD-ja nisën zyrtarisht betejën një mujore të fushatës për të mbledhur pas vetes sa më shumë vota.
Partitë zgjodhën orën e njëjtë për të dalë në shesh, por jo formën e njëjtë të daljes para qytetarëve.
PS-ja i rreshtoi kandidatët sipas qarqeve të ulur në karrige në Sheshin Skënderbej ndërsa PD-ja i ngjiti në podium të rrethuar nga qindra mbështetës me flamuj në Sheshin Nënë Tereza.
