Është mbledhur këtë paradite Komiteti Teknik i Ekspertëve, ku janë prezantuar edhe anëtarët më të rinj.
Ministrja e Shëndetësisë Ogerta Manastirliu ka zbuluar emrat e anëtarëve të rinj, Dhimitër Kraja, Ermira Kola dhe Alban Ylli.
“Më lejoni që menjëherë t’ju prezantoj anëtarët e rinj, anëtarët e përhershëm të Komitetyit Të Ekspertëve, duke filluar nga profesor Dhimitër Kraja. Faleminderit për pranimin e ftesës për të qenë anëtar I përhershëm i Komitetit Teknik të Ekspertëve.
Ka shërbyer si shef i shërbimit të sëmundjeve infektuve në QSUT deri pak viteve më parë, Pedagog i lëndëve të sëmindjeve infektive në Fakultetin e Mjekësisë.”– tha ministrja Manastirliu ndërsa nisi me prezantimin e emrave të rinj.
Më pas u zbulua dhe vendimi që kishte marrë Komiteti Teknik i Ekspertëve, që masat për pandeminë të mbeten të njëjtat që janë aktualisht në fuqi.
Anëtarësimet e reja në Komitetin Teknik, vijnë pas largimit të dy anëtarëve të mëparshëm Najada Çomo dhe Tritan Kalo. Çomo u largua sepse vendosi të garonte në zgjedhjet e 25 Prillit për deputete, ndërsa Kalo tha se po largohej për shkak se politika i kishte përçarë mjekët./Hashtag.al
