Tashmë ka një vendim të formës së prerë me burg përjetë për vrasjen e Devi Kasmit.
Apeli në Gjykatën e Posaçme Kundër Korrupsionit dhe Krimit të Organizuar ka lënë në fuqi vendimin e Shkallës së Parë duke dënuar përfundimisht me burgim të përjetshëm ish-komandon greke, Efthimios Efthimiu.
Efthimiu u shpall fajtor për vrasjen e Devi Kasmit, ngjarje e ndodhur më 9 janar të vitit 2018, në rrugën “Kongresi i Manastirit” në Tiranë.
Gjithashtu u dënua me 33 vite burg i bashkëpandehuri tjetër Elton Halipajn, i cili dyshohet se është personi që i siguroi grekut mjetet për të kryer vrasjen.
Devi Kasmi u qëllua disa herë me pistoletë në kokë dhe trup, ndërsa policia dyshon se porositës i vrasjes së tij është Domart Konjari, i cili kërkohet nga autoritetet shqiptare, por edhe ato franceze.
Dyshimet janë se vrasja ka ndodhur për prishje të pazareve të kokainës në Francë dhe Spanjë.
