Një tren mallrash që transportonte benzinë ka shpërthyer në flakë ditën e djeshme në Teksas, pasi u përplas me një kamion në një kryqëzim.
Pamjet e incidentit që ndodhi në qytetin e Cameron, tregojnë tym e dendur që është ngritur në qiell.
Policia tha se banorët në shtëpitë në afërsi duheshin evakuuar dhe të paktën një pronë u shkatërrua nga zjarri.
Drejtuesi i automjetit dhe njerëzit në bordin e trenit shpëtuan të padëmtuar dhe nuk është raportuar asnjë lëndim nga ky incident i frikshëm.
“Për fat të mirë, të gjithë duket se janë në rregull.”- tha Sherifi i Qarkut, Chris White, citon BBC. Ai shtoi se “nuk kishte më kërcënim në këtë pikë” dhe se fokusi ishte “për të shuar zjarrin dhe për të pastruar rrëmujën”.
Sipas raporteve të mediave lokale, të paktën tre pjesë të trenit morën flakë dhe disa njësi ishin larguar nga binarët.
Sherifi tha që treni po transportonte “disa materiale të rrezikshme” dhe se një pjesë duhet të shkëputej dhe të largohej nga zjarri.
Së bashku me benzinën, treni gjithashtu raportohej se mbante qymyr.
#LIVE: Homes and businesses are being evacuated after a train collided with an 18-wheeler in Cameron, Texas. You can see smoke rising into the sky. https://t.co/lyngCtSw8V https://t.co/kzwEUzx72T
— 10 Tampa Bay (@10TampaBay) February 23, 2021
