Patinatorja holandeze Linden van Bemmel ka shfrytëzuar në maksimum kanalet e famshme të Amsterdamit që kanë ngrirë për shkak të temperaturave të acarta për të filmuar kërcimin e saj, duke shpresuar që akulli nën këmbët e saj të mos thyhet teksa ajo bën pirueta.
Banorët e Amsterdamit kohët e fundit shfrytëzuan motin e dimrit për të patinuar mbi ujin e ngrirë të kanaleve që kalojnë nëpër kryeqytetin e Holandës.
Njëzetvjeçarja Linden van Bemmel u dhuroi kalimtarëve një shfaqje të plotë patinazhi teksa kërcente mbi akull në kanalin Prinsengracht.
