Mes deputetit socialist Damian Gjiknuri dhe gazetarit Andi Bushati ka ndodhur një shkëmbim replikash teksa në emisionin “Open” debatohej mbi ngjarjen e fundit, ku për llogari të SPAK u arrestua Gjyqtarja e Krujës Enkelejda Hoxha.
Debati nisi pasi Bushati e krahasoi drejtësinë e re me atë të “plepave” të krijuar gjatë qeverisjes së Berishës duke shtuar se institucionet e reja komandohen nga socialistët dhe prandaj shumica është e paprekur nga hetimet e mundshme.
Më pas Bushati i përmendi edhe përgjimet e Dibrës në të cilat ishte përfshirë edhe deputeti Gjiknuri i cili mbahet mend në transkriptet e prokurorisë për frazat: “Tërmet, tërmet” dhe “ të dërgoj çunat problematikë”.
Lidhur me këtë Gjiknuri u përgjigj se të përmendësh fjalën “tërmet” nuk është vepër penale por “aktivitet tektonik”.
Pjesë nga debati:
Eni Vasili: Po dridheni nga SPAK?
Damian Gjiknuri: Duhet gjë sikur u drodha gjatë komunikimit me ju?
Bushati: Ke të drejtë të tallesh!
Damian Gjiknuri: Pse?
Bushati: Ata servilë që janë atje nuk do t’u bëjnë gjë. Kemi prodhuar plepat e dytë se të parët i kishte Saliu. Mos t’i gënjejmë njerëzit. Kanë në dorë Damianin, merren me ata të Peshkopisë atje.
Damian Gjiknuri: Injoranca juridike nuk mbetet pa koment. Pse u vunë në përgjim 50 komponentë të PS pas denoncimit të PD-së. Mos e kthe në personale.
Bushati: Edhe Ndrea Prendi kundravajtje penale ishte. Edhe Gërdeci aksident teknologjik ishte.
Damian Gjiknuri: Vepra në fjalë…Keni parë krim të organizuar për kundravajtje penale.
Bushati: Një shtet i tërë që vjedh vota, që nxjerr çam në Dibër. Tallin me dynjanë pastaj. Në telefon flisje ti apo…?
Damian Gjiknuri: Tërmet thashë… Po ishte vepër penale që të përmendësh një aktivitete tektonik, nuk e di…
Bushati: Vepër penale është t’i thuash mësuesit që nesër nuk je në punë nëse nuk voton për partinë time.
