Gazetarja australiane Cheng Lei, e cila punoi për ‘China News Television News’ (CGTN), është arrestuar në Kinë pasi akuzohet për ‘furnizim të paligjshëm të sekreteve shtetërore jashtë shtetit’, gjashtë muaj pasi ajo u arrestua për herë të parë nga autoritetet kineze.
Senatorja Marise Payne, ministrja e Jashtme e Australisë, tha të hënën se iste njoftuar nga autoritetet kineze mbi situatën.
“Autoritetet kineze kanë pohuar që zonja Cheng u arrestua nën dyshimin e furnizimit të paligjshëm të sekreteve shtetërore jashtë shtetit.” – tha Payne, duke deklaruar se ‘qeveria australiane ka ngritur shqetësimet e saj serioze në lidhje me ndalimin e zonjës Cheng’.
Cheng u arrestua fillimisht në 13 gusht për arsye të sigurisë kombëtare dhe u mbajt në arrest shtëpie pasi ajo u largua nga puna në CGTN.
Në përgjigje të zhvillimit më të fundit, familja e Cheng lëshoi një deklaratë duke deklaruar se ata ishin ‘absolutisht të bindur për pafajësinë e saj’ dhe duke i bërë thirrje qeverisë kineze që t’i mundësojë asaj që të takohet me fëmijët e avokatët si dhe materiale të ndryshme shplodhëse si librat.
