Dy ditë më parë Hashtag.al publikoi një shkrim në të cilin raportohej gabimisht se Besnik Mustafaj ishte propozuar dhe votuar nga maxhoranca socialiste si anëtari më i ri i Këshillit Drejtues të RTSH-së.
Në mënyrë të paqëllimtë dhe duke keqkuptuar tekstin e njoftimit të Kuvendit, Hashtag.al raportoi si vendim atë që në fakt ishte një “projekt-vendim”.
Shkrimi u pasua me komente të forta dënuese ndaj zotit Mustafaj në rrjetet sociale dhe kjo është një arsye më tepër pse Hashtag.al bën këtë sqarim si ndjesë publike kundrejt zotit Mustafaj.
