Dan Rosenfield, një zyrtar i Thesarit të Mbretërisë së Bashkuar për më shumë se një dekadë, i cili gjithashtu ka pasur poste të larta në banka dhe drejtues i një grupi humanitar të komunitetit hebre, së shpejti do të jetë shefi i ri i kabinetit të kryeministrit Boris Johnson.
Pozicioni i Rosenfield u njoftua të enjten ndërsa ai do të fillojë punën më 7 Dhjetor. Lordi Udny-Lister do të qëndrojë si shef kabineti i komanduar deri në datën 1 janar 2021.
Gjatë kohës së tij në Thesarin e Mbretërisë së Bashkuar, Rosenfield ishte kreu global i klientëve të korporatave dhe bizneseve në Mbretërinë e Bashkuar me Hakluyt, një firmë këshilluese për bizneset, që nga viti 2016.
Ai ishte gjithashtu një drejtor menaxhues në Bankën e Amerikës.
Ai është gjithashtu kryetari i World Jewish Relief, një agjenci humanitare për komunitetin hebre britanik.
Koha e tij në Thesarin e Mbretërisë së Bashkuar përfshiu katër vjet (2007-2011) si sekretar kryesor privat i Alistair Darling dhe George Osborne.
Emërimi i Rosenfield vjen pas një lëkundjeje publike brenda rrethit të ngushtë të Boris Johnson, pasi ndihmësit e lartë Lee Cain dhe Dominic Cummings dhanë dorëheqjen.
