Vendosni fjalën kyçe....

Vrasja e 46-vjeçarit në Shkodër, policia identifikon autorët e dyshuar


Policia e Shkodrës ka njoftuar se i ka identifikuar autorët e vrasjes së Ridvan Ramazanit në Shkodër ditën e sotme.

Sipas bluve, ngjarja e rëndë ka ndodhur për motive të dobëta. Sipas saj, autorët e dyshuar jaë konflikuar më herët me djalin e 46-vjeçarit dhe ky i fundtit ka ndërhyrë për të sqaruar çështjen.

Vrasja ndodhi rreth orës 11:00 të paradites së sotme pranë një pike karburanti teksa viktima është qëlluar me armë zjarri teksa ishte brenda makinës.

Policia ka ngritur pika të shumta kontrolli e po punon për kapjen e autorëve.

Njoftim

Identifikohen autorët dhe vijon puna për kapjen e tyre.

Strukturat hetimore të DVP Shkodër, të mbështetura nga specialistët për Hetimin e Krimeve të Rënda në Departamentin e Policisë Kriminale, nën drejtimin e Prokurorisë së Rrethit Gjyqësor Shkodër, falë reagimit në kohë dhe kryerjes së veprimeve të shpejta, profesionale dhe hetimore, bënë të mundur që brenda një kohe të shkurtër të zbardhnin dhe dokumentonin ngjarjen e ndodhur rreth orës 11:20, në fshatin Mushan, Shkodër, në afërsi të një pike karburanti, ku u gjet i vrarë me armë zjarri brenda në makinë, shtetasi R. H., 46 vjeç, banues në fshatin Darragjat, Shkodër.

Nga tërësia e veprimeve hetimore dyshohet se ngjarja ka ndodhur për motive të dobëta. Autorët e dyshuar gjatë paradites ishin konfliktuar me djalin e shtetasit R. H. dhe më pas dyshohet se ky shtetas ka ndërhyrë për të sqaruar situatën dhe për pasojë ka mbetur i vrarë me armë zjarri.

Shërbimet e Drejtorisë Vendore të Policisë Shkodër, të mbështetura nga FNSH dhe Focat Speciale Renela, nën drejtimin e prokurorit, kanë ushtruar disa kontrolle banesash dhe ambientesh të ndryshme ku dyshohej se mund të fshiheshin autorët.

Ndërkohë, shërbimet e Policisë po vijojnë krehjen e zonës për të bërë të mundur lokalizimin, kapjen dhe arrestimin e autorëve të dyshuar, të cilëve, për arsye hetimore, për momentin nuk iu bëjmë me dije gjeneralitetet.

Gjithashtu, në bashkëpunim me DVP Lezhë vijojnë pikat e kontrollit në akset rrugore, me qëllim kontrollin e imtësisëshëm të personave të dyshuar, për të mos iu lënë mundësinë që të largohen më drejtim të qarqeve të tjera.


Leave a Reply

Your email address will not be published. Required fields are marked *