Vendosni fjalën kyçe....

ISIS merr përsipër sulmin terrorist në Vjenë


Shteti Islamik mori përgjegjësinë të Martën për një sulm vdekjeprurës në Vjenë, në një deklaratë të lëshuar përmes Amaq News Agency së bashku me një foto dhe video që pretendonte të tregonte të armatosurin.

Fotoja, e lëshuar në Telegram, tregonte një burrë me mjekër të identifikuar si “Abu Dagnah Al-Albany”. Deklarata shoqëruese tha se ai kishte sulmuar turmat në qendër të Vjenës të hënën me një pistoletë dhe mitraloz përpara se të vritej nga policia.

Në foto, Albany mban një pistoletë, një mitraloz dhe një hanxhar dhe ka veshur një unazë të stampuar me një fjali që thotë “Mohammed është i dërguari i Allahut”.

Amaq postoi një video të Albany disa minuta më vonë në të cilën ai i bëri besnikëri udhëheqësit të Shtetit Islamik Abu Ibrahim al-Hashemi al-Quraishi. Ai po fliste arabisht në video.

Albany normalisht do të përdorej për t’iu referuar dikujt me origjinë shqiptare. Deklarata nuk e identifikonte burrin me ndonjë emër tjetër.

Zyrtarët austriakë e kanë identifikuar sulmuesin si Kujtim Fejzulai, një shtetas i dyfishtë i Austrisë dhe Maqedonisë së Veriut, i cili ishte dënuar me 22 muaj burg në Prill 2019 për përpjekjen për të udhëtuar në Siri për t’u bashkuar me Shtetin Islamik.

Personi i armatosur, i cili u vra nga policia disa minuta pasi hapi zjarr në bare të mbushura me njerëz, ishte liruar nga burgu më pak se një vit më parë.