Prodhuesi i dytë më i madh i naftës në Rusi, Lukoil, është i etur për të rritur prodhimin në Irak pasi të përfundojnë shkurtimet e prodhimit të grupit OPEC+, tha për Bloomberg, Egor Zubarev, drejtori Menaxhues i Lukoil për Lindjen e Mesme.
Prodhimi i tanishëm i naftës së papërpunuar të Irakut është kufizuar në rreth 3.6 milionë fuçi në ditë (bpd) nën paktin OPEC+, por vendi duhet të bëjë ulje shtesë më të thella deri në fund të vitit për të kompensuar mungesën e pajtueshmërisë me marrëveshjen në muajt e mëparshëm.
Për shkak të marrëveshjes OPEC+, Iraku u tha kompanive të mëdha ndërkombëtare të naftës që punojnë në fushat e tij të mëdha naftëmbajtëse, për të shkurtuar prodhimin e naftës bruto. Exxon, BP dhe Lukoil janë ndër prodhuesit më të mëdhenj të huaj në Irak dhe të gjithë u kërkua të ulnin prodhimin.
Akoma, Iraku nuk ka arritur të përmbushë plotësisht uljet, ndërsa përplasja e çmimit të naftës ka kufizuar rëndë buxhetin e tij, shitjet e naftës janë burimi kryesor i të ardhurave për qeverinë.
Për shkak të mungesës së fondeve, disa projekte janë vonuar, citoi Bloomberg të thoshte ministri i Naftës i Irakut, Ihsan Abdul Jabbar.
