Presidenti i vendit Ilir Meta ka zhvilluar një takim me kampionin e ri të botës në boks, Robin Krasniqin. Gjatë takimit, Meta ka pozuar me Krasniqin sëbashku me titujt e tij, që i mbajnë në krahë.
Meta e konsideron frymëzuese punën dhe përkushtimin e Krasniqit në sportin e boksit.
“Kënaqësi e veçantë të takoja Kampionin e ri të botës në boks, në versionin WBA dhe IBO, Robin Krasniqi.
Puna, përkushtimi dhe sakrificat e tij drejt suksesit, janë frymëzuese!
Krenar për ty Robin!”- shkruan presidenti.
Boksieri nga Kosova Robin Krasniqi u bë i pari shqiptar kampion bote, pasi mposhti gjermanin Dominic Boesel mbrëmjen e 10 tetorit në Gjermani dhe fitoi titullin prestigjoz në WBA dhe IBO.