Mediat sociale janë të mbushura me teori konspirative pasi fotot dhe videot e postuara në internet treguan një rrugë në Rusi të mbushur me kufoma zogjsh.
Incidenti ndodhi në Balakovo, një qytet më i njohur për termocentralin e tij të madh bërthamor.
Sipas një postimi nga një faqe interneti e qytetit, banorët e Balakovos në rajonin Saratov, rreth 1.000 kilometra në jug të Moskës, treguan një rrugë të mbushur me dhjetëra zogj të ngordhur.
Në komentet poshtë videos, vendasit nxituan të sugjeronin një numër arsyesh pse një numër kaq i madh i zogjve kishin rënë në tokë.
Ndërsa disa vunë në dukje fenomenet natyrore, të tilla si erërat e forta ose përplasjet aksidentale, të tjerët fajësuan fishekzjarret, emetimet nga fabrikat dhe madje rrjetin 5G – edhe pse ai nuk ka ardhur ende në Rusi.
Departamenti veterinar i Saratovit aktualisht po heton incidentin, me disa që sugjerojnë se ngordhjet e shpendëve mund të lidhen me një valë të gripit të shpezëve.
