Kryetarja e Lëvizjes Socialiste për Integrim Monika Kryemadhi, në studion e emisionit “Open” vendosi objektivat për zgjedhjet e ardhshme të forcës që drejton.
Kryemadhi tha se në zgjedhjet që priten të zhvillohen në 25 prill pret që të marrë jo më pak se 34 deputetë.
Ndërsa për kundërshtarin e saj politik, Kryemadhi tha se nuk do marrë më shumë se 47 deputetë.
“Rama thotë do të marrë 74 por do të marrë 47, sepse çdo gjë që ai thotë bëhet mbrapsht. Ne shkojmë forcë e dytë, mendoj që raportet tona nuk janë veç numra, por prezantimi dhe alternative çka përfaqësohet. Unë dyshemenë e kam 34”-deklaroi Kryemadhi.
