Kryebashkiakja demokrate e Çikagos në SHBA, shpenzoi 66 milionë dollarë për të kthyer një qendër kongresesh në një spital për trajtimin e të prekurve na Covid-19.
Spitali në fjalë trajtoi në fakt vetëm 38 pacientë duke i kushtuar buxhetit një kosto prej 1.7 milion dollarësh për çdo pacient.
Sipas Chicago Sun-Times, këshilltarët e kryebashkiakes, Lori Lightfoot, e mbrojtën vendimin e saj duke e quajtur atë një ‘politikë sigurimi’ për frikën e pabazuar se spitalet e Çikagos do të ishin të mbingarkuar me pacientë me koronavirus, shkruan Dailywire.
Samir Mayekar, nënkryetari i komunës për zhvillimin ekonomik i tha medias në fjalë se ishte tepër krenar që objekti u shndërrua në spital duke shtuar se miliona dollarë të tatimpaguesve nuk u shpenzuan kot.
