Vendosni fjalën kyçe....

Plumba hotelit në Pogradec, policia arreston Maerdi Berberin së bashku me Anterio Kaloshin të akuzuar për dy vrasjet në Lushnjë


Janë shoqëruar edhe dy persona të tjerë të cilët dyshohet se kanë lidhje me ngjarjen e ndodhur në Pogradec ku u gjuajt me plumba drejt hotelit.

Në prangat e policisë ka rënë Maerdi Berberi i cili ishte shpallur në kërkim.

Ndërsa i arrestuari tjetër është Anterio Kaloshi akuzohet për vrasjen e Zamir Latifit dhe Jurgen Hoxhës në vitin 2017. 

Kaloshi njihet si miku i ngushtë i Orgest Bilbilit i cili u arrestua në muajin prill të këtij viti, pasi u pikas se po kryente veprime të çuditshme nga një efektiv policie i cili më pas e qëlloi në këmbë për ta neutralizuar. 

Kaloshi u arrestua së bashku me Maerd Berberin në zonën e Qesarakës. 

Berberi i cili akuzohet si një nga personat që ishte pjesëmarrës në sulmin me armë ndaj hotelit në Volorekë të Pogradecit. 

Më herët, për ngjarjen e Pogradecit janë arrestuar shtetasit Ilir Berberi, 52 vjeç, banues në Pogradec dyshohet të ketë rolin e organizatorit të ngjarjeve të ndodhura pranë hotelit, ku në bashkëpunim me tre personat e mësipërm dhe disa të tjerë, kanë kanosur me armë zjarri shtetasin J. M., si edhe kanë qëlluar me armë zjarri në drejtim të hotelit, duke i shkaktuar dëme materiale godinës dhe 7 mjeteve të parkuara.