Vendosni fjalën kyçe....

Opozita e bashkuar reagon ashpër: Ndryshimi i njëanshëm i Kushtetutës, përgjegjësi vetëm e Edi Ramës


Opozita e bashkuar ka deklaruar sot se përpjekja për të prishur dakordësinë e arritur më 5 qershor për marrëveshjen zgjedhore është përgjegjësi e kryeministrit Rama.

Ajo ka dalë me një deklaratë të përbashkët ku theksohet se kryeministri Rama për pushtetin e tij është i gatshëm të hedhë në erë t ardhmen europiane të vendit.

Sipas opozitës së bashkuar, çdo lojë e pisët për të ndryshuar në mënyrë të njëanshme Kushtetutën është dëshmi e fundit të pashmangshëm të Ramës e qeverisë së tij.

Deklarata e opozitës së bashkuar

“Tentativa për prishjen e Dakordësisë së 5 Qershorit, të arritur me mbështetjen dhe ndërmjetësimin e plotë të partnerëve strategjikë SHBA – BE, është përgjegjësi VETEM e Edi Ramës. Ky akt minon procesin e integrimit europian të vendit dhe dëshmon përpara opinionit publik, se Edi Rama për pushtetin e tij personal është në gjendje të hedh në erë të ardhmen europiane të Shqipërisë.

Çdo lojë e pisët për të ndryshuar në mënyrë të fshehtë dhe të njënashme Kushtetutën nga njeriu që është i tmerruar nga zgjedhjet dhe vullneti i qytetarëve, është dëshmi e fundit të tij të pashmangshëm. Ky akt rikonfirmon se Edi Rama është një mashtrues tinzar që për pushtetin e tij, shet interesat e vendit dhe të shqiptarëve, rrënon procesin e integrimit europian dhe izolon Shqipërinë, duke kërcënuar rëndë stabilitetin politik dhe  shoqëror të vendit.

Kushtetutën dhe sistemin zgjedhor, e vendosin vetëm qytetarët me referendum popullor. Opozita e Bashkuar i bindet vetëm vendimeve që marrin qytetarët dhe jo interesave kriminale të pushtetit personal të Edi Ramës.

Opozita e Bashkuar është e vendosur ti shërbejë vetëm interesit të qytetarëve. Opozita e Bashkuar mbështet plotësisht qëndimet e qarta të Sekretarit amerikan të Shtetit, Mike Pompeo, Përfaqësuesit të Lartë të Bashkimit Europian, Joseph Borrel dhe Komisionerit për Zgjerimin, Oliver Varhelyi, dhe rikonfirmon se i qëndron plotësisht kodifikimit pa asnjë ndryshim të Dakordësisë së 5 Qershorit, si baza minimale për krijimin e një klime normale për zgjedhjet në Shqipëri.”


Leave a Reply

Your email address will not be published. Required fields are marked *