Deputeti i PD-së në parlament, Myslim Murrizi, pas takimit me kryeministrin Rama për të gjetur konsensusin për të votuar marrëveshjen e Këshillit Politik për Reformën Zgjedhore, deklaroi se nuk do votojë atë.
Murrizi tha se nuk do votojë marrëveshjen pa futur në të listat e hapura apo kërkesat që ka opozita parlamentare.
“Bojkot. Patjetër do të radikalizohet. Arritëm kërkesën e parë që të vinte Rama këtu, se kishte hall të bënte dashurinë me Lulin.
Ne do rifillojmë në Komision të Reformës Zgjedhore dhe do vendosim kushte dhe sanksione. Raporti i Komisionit do vijë në parlament. Nuk do e votojmë nëse nuk futen aspiratat dhe propozimet”- tha Murrizi.
