Nënkryetari i LSI-së Petrit Vasili, ka reaguar lidhur me çështjen e identifikimit biometrik në zgjedhje për të cilën palët janë të ndara.
Vasili shkruan se ndërsa maxhoranca po refuzon propozimin e opozitës së bashkuar për identifikimin biometrik, nga ana e tyre nuk do të ketë lëshime për vjedhjen e zgjedhjeve.
“Asnje leshim rilindjes per vjedhjen e zgjedhjeve!
Refuzimi nga Rilindja i propozimit te Opozites se Bashkuar, i cili garanton voten e lire, eviton mbushjen e kutive te votimit si dhe barazi te plote te te dyja paleve ne administrimin zgjedhor eshte fundi i reformes.
Ulja kritike e nivelit te garancive dhe synimi i kapjes e manipulimit te zgjedhjeve nga qeveria permes propozimit te Partise Socialiste rrezon te gjithe procesin e reformes dhe e ben praktikisht nul ate.
Ky refuzim ka synim te ligjeroje manipulimin e zgjedhjeve te Dibres ne 2016,te zgjedhjeve te pergjithshme te 2017 dhe te turpit te votimeve moniste te 2019 dhe riperseritjen e tyre edhe ne te ardhmen.” – shkruan Vasili.
Nënkryetari i LSI-së dhe përfaqësuesi i kësaj force politike në Këshillin Politik për Reformën Zgjedhore, kujton se kjo reform është një nga kushtet themelore të BE-së për negociatat e anëtarësimit.
“Reforma zgjedhore dhe zbatimi i saj kushte themelore per hapjen e negociatave te anetaresimit te Shqiperise ne BE.
Rilindja e ka penguar qellimisht Integrimin e Shqiperise ne BE.
Pa zgjedhje te lira e te ndershme nuk ka hapje te negociatave.
Ka vetem nje pergjegjes per bllokimin e hapjes se negociatave ky eshte Edi Rama.”– shkruan Vasili.
