Ka përfunduar pas 4 orësh, mbledhja e Këshillit Politik për Reformën Zgjedhore.
Në përfundim të saj, përfaqësuesi i PD-së Oerd Bylykbashi deklaroi se nuk është arritur sërish dakordi për identifikimin biometrik.
Këtë çështje, Bylykbashi e konsideroi vijën e kuqe të opozitës pasi sipas tij miratimi i saj do të thotë heje dorë nga vjedhjet e votave.
“Sot përsëri pavarësisht insistimeve, për sa i përket administrimit të zgjedhjeve nuk heq dorë nga modeli i 30 qershorit, vetë mbush kutitë, vetë i numëron dhe vetë nxjerr rezultatet. Kjo është vija e kuqe, pa u arritur dakordësia për identifikimin biometrik të zgjedhësve të tjerat janë plotësuese”-tha Bylykbashi.
