Organizata Botërore e Shëndetësisë (OBSH) ka pezulluar përkohësisht testimin klinik të hidroksiklorinës si një trajtim i mundshëm për COVID-19.
Kjo vjen pas një publikimi në revistën mjekësore The Lancet, ku thuhej se përdorimi i ilaçit te pacientët me COVID-19 mund t’i rrisë shanset e tyre për të vdekur ose problemet me zemrën.
“Ky shqetësim ka të bëjë me përdorimin e hidroksilklorinës dhe klorokinës në COVID-19”, tha drejtori i përgjithshëm i OBSH-së, Tedros Adhanom Ghebreyesus gjatë një konference, citon DW.
Doktor Mike Ryan, i cili drejton programin e urgjencës së OBSH-së, tha se vendimi për të pezulluar testimin u mor si masë kujdesi.
Organizata do të ndjekë trajtime të tjera si pjesë e studimit të saj, përfshirë remdesivirin eksperimental të ilaçeve dhe një terapi të kombinuar HIV.
