Kandidati demokrat për president, Joe Biden ka bërë një tjetër deklaratë që është pritur me kritika. Ai i ka thënë një moderatori me ngjyrë, se kush voton Donald Trump-in në vend të tij, atëhere ai nuk është zezak.
Biden u ul me gazetarin për të diskutuar të gjitha temat afrikano-amerikane, përfshirë thashethemet se ai po mendon të zgjedhë një grua me ngjyrë, për të garuar krah tij si zv.presidente.
E më pas shtoi: “Epo unë po ju them se nëse e keni të vështirë të kuptoni nëse më përkrahni mua apo Trump-in, atëherë nuk jeni zezakë”.
Pas deklaratës raciste, Biden u kryqëzua në rrjet dhe u detyrua të kërkonte falje publikisht.
“Nuk duhet të isha kaq i shkujdesur. Unë kurrë, kurrë, nuk e kam marrë si të mirëqenë komunitetin afro-amerikan”- tha Biden.
Ai shtoi se: “Askush nuk duhet të votojë për asnjë palë bazuar në racën, fenë apo prejardhjen e tyre”. Kujtojmë se Biden edhe më parë, është diskutuar për çështje racore.
Kujtojmë se gushtin e kaluar, bëri gafën duke thënë gjatë një mitingu se “fëmijët e varfër janë po aq të zgjuar dhe të talentuar sa fëmijët e bardhë”.
For all those people wondering if they were black or not, Joe Biden clarifies that for you: If you dont vote for him you aint black pic.twitter.com/KATTwmh5LZ
— ESSENTIAL Julia Song (@realjuliasong) May 22, 2020