Teksa Europiani 2020 është shtyrë për verën e ardhshme për shkak të pandemisë Covid-19, Italia ka zbuluar fanelën që do mbajë veshur.
Ngjyra e saj është e kaltra tradicionale e kombëtares italiane, e prodhuar nga ‘Puma’ ndërsa në bluzë janë të gdhendura simbolet e Rilindjes italiane.
Kombëtarja e drejtuar nga trajneri Mançini është kualifikuar në kompeticionin e rëndësishëm në kontinent.
Euro 2020 do jetë krejt e veçantë për nga formati pasi do luhet në 12 qytete në 12 vende europiane. Ndeshja e parë do luhet në Romë ku Italia do presë Turqinë ndërsa mitiku Uembli i Londtës do presë gjysmëfinalet e finalen.
