Shtetet e Bashkuara kanë eliminuar rezervat e fundit të armëve kimike të deklaruara, njoftoi qeveria të premten.
“Sot, jam krenar të njoftoj se Shtetet e Bashkuara kanë shkatërruar në mënyrë të sigurtë municionin përfundimtar në atë rezervë – duke na sjellë një hap më pranë një bote të lirë nga tmerret e armëve kimike”, tha presidenti amerikan Joe Biden në një deklaratë.
Raketat e fundit të mbetura të mbushura me agjentin nervor GB (sarin) u shkatërruan nga punëtorët në depon e ushtrisë Blue Grass në Kentucky muajin e kaluar, siç ishin municionet që përmbanin gaz mustardë në Depon Kimike Pueblo në Kolorado, sipas DW.
“Megjithëse përdorimi i këtyre agjentëve vdekjeprurës do të jetë gjithmonë një njollë në histori, sot kombi ynë më në fund ka përmbushur premtimin tonë për të hequr qafe arsenalin tonë nga kjo e keqe,” tha më parë udhëheqësi i pakicës në Senat, Mitch McConnell.